紙飛機親子空間
4 0 0
評分
4.2 / 5

電話 : 60637470

九龍灣承豐道33號啟德郵輪碼頭B區北面平台

85260637470

(按以上連結可打電話 / WhatsApp 聯絡等)

時間
12:15 至 21:00
10:15 至 21:00

適合年齡: 一家大小
人均消費: $101-300
推介: 哥哥姐姐同姨姨幫手睇住啲小朋友玩
椰子雪糕
咕嚕肉
魚湯泡飯
價格: 每個小朋友
星期一至五$138/兩小時(每小時追加$60)
週末同公眾假期$198/兩小時(每小時追加$80)
成人$100
12個月以下BB免費。

好食
4.0 / 5
好玩
4.0 / 5
抵玩
4.0 / 5
環境
5.0 / 5

餐廳室內有唔少活動空間,好似大型玩樂區、繪本區、廚房區等等。全部設施都選擇木材同自然物料,好似沙池就選用韓國訂製嘅木粒。仲有幼兒區專畀14個月以下嘅BB,同舉辦工作坊或者Party都得嘅多功能房。

我要評論

(登入後留言,可日後更改)

其他評論

BB有得玩, 媽媽傾計好地方

4.2 / 5
作者:  Jikomoto
享用日期: 25/07/2019
推介項目: 好多哥哥姐姐同姨姨幫手睇住啲小朋友玩,咕嚕肉,魚湯泡飯
人均消費:  $250
好食
4 / 5
好玩
4 / 5
抵玩
4 / 5
環境
5 / 5
好多時候都想約朋友出嚟傾偈,但有啲已經係媽媽級嘅朋友,要約出嚟真係唔容易,因為小朋友成日都嗌悶又要落地玩, 喺餐廳度嘈住令到我哋傾計都唔暢快。喺網絡上面見過呢間餐廳個環境唔錯,而且有好多玩具可以畀小朋友玩,咁我哋媽媽朋友們就可以放心咁傾計啦。

雖然個地方喺啟德郵輪碼頭有少少遠,但係都有兩架巴士可以到,又或者揸車都得。 我哋一早book咗位,入去嗰陣需要換拖鞋所以建議大家唔好著涼鞋,要著返對襪。一入到去小朋友已經急不及待沖咗去玩, 環境入面有bb corner,有煮飯仔,超級市場,有韓國實木嘅堆沙遊戲,仲有啲車呀著裙版公主呀之類嘅玩具,同埋有一個睇書嘅corner。我諗喺小朋友嘅玩具界別裏面都可以叫做應有盡有。

職員好有單一見我哋坐低, 就邀請我哋小朋友參加免費嘅手工活動,今次係整萬花筒。

講返食嘢先,我哋叫咗咕嚕肉,同埋叫咗四小碟嘅冷盤,入面有醃蕃茄,醃青瓜,素鵝同埋口水雞。我個人認為醃青瓜同口水雞比較啱我口味,另外咕嚕肉都打得好脆,味道同出面嘅咕嚕肉都好相似。 我仲叫咗一個魚湯泡飯,最啱夏天咁熱嘅時候食啦。 食物嘅造型好有心思, 概念應該係嚟自天空同自然。

過咗一陣我哋嗌多咗個甜品,紅豆糍粑,小朋友食呢一個甜品都食得好開心,黃豆粉入面係一個脆皮嘅日本年糕,仲有糖漿可以沾。
過程入面有好多哥哥姐姐同姨姨幫手睇住啲小朋友玩, 如果有小朋友有推撞佢哋都會介入幫手,所以媽媽都可以安心食嘢同埋傾計。雖然138蚊限時玩兩個鐘,但係我覺得有咁多玩具同埋有人幫手睇住啲小朋友,等媽媽可以放心飲杯嘢食下嘢,咩都抵返啦。

走嗰陣啱啱發現巴士開咗,要40分鐘先有一班車去九龍塘,另外就要20分鐘先有車去牛頭角,所以我建議大家走嗰陣留意巴士班次先落去等。 咁就唔使喺車站嗰度熱咁耐啦。

超完善親子餐廳

4.5 / 5
作者:  Flyingmamalilro
享用日期: 24/07/2019
推介項目: 椰子雪糕
好食
5 / 5
好玩
4 / 5
抵玩
4 / 5
環境
5 / 5
帶左兩個小朋友一齊來玩同晚飯,發現作為一間親子餐廳呢度都算得上好完善!由幼兒餐具、玩具種類、廁所設備、圖書、購物服務等等都很細心照顧到。小朋友都玩得好開心。食物方面我地就點左菠蘿生炒骨、黃魚麵、cream brulee、椰子雪糕、菠蘿cold pressed juice。菠蘿生炒骨甜甜酸酸好開胃岩哂小朋友食,黃魚麵個人認為味道淡左D但小朋友卻很喜歡吃。cream brulee都很滑不錯。椰子🥥雪糕內有椰絲味道很特別😋唯用餐時間加玩耍時間只有兩小時不太足夠,若時間長一點該會更盡興的呢

食物不錯但有點貴

3.8 / 5
作者:  A Chiu
享用日期: 19/07/2019
好食
3 / 5
好玩
4 / 5
抵玩
3 / 5
環境
5 / 5
食物不錯但有點貴,員工態度友善,有小朋友玩樂地方,是假日親子活動的地方。交通不太方便。

粒粒木池係幾特別。玩具都幾多

3.5 / 5
作者:  Boris Chow
享用日期: 05/09/2018
人均消費:  $298
好食
3 / 5
好玩
4 / 5
抵玩
3 / 5
環境
4 / 5
食物方面真係貴同份量少,味道食得落口但唔值。
粉麵飯比較好些少。
黑松露炒飯都幾乾身。應該係場內物值較高的食物,只係$98
蝦鱔湯麵都幾多炸脆過嘅鱔,蝦就無乜味,收你$108
魚餅炸得無過火,只係唔叫難食咁囉,但收你118
糖醋排骨不過不失,賣相ok , 但咬落就肉唔係好多,⻣頭大,其實同咕嚕肉差唔多因為佢都有上粉炸。
甜品拿破崙真係唔得掂,幾塊搽左吉士嘅餅,收你$58。

整體就係裝修光明舒服,玩具及遊樂設施幾多幾好玩,土地問題,一歲以上小童週末收入場198 , 成人每位低消$100。價格不便宜,地點一交通配套不方便。